E kisha dëgjuar më parë, por nuk më kishte ndodhur mua. Dhe e vërteta është se derisa ta përjetosh vetë, nuk e kupton plotësisht.
E kisha dëgjuar më parë, por nuk më kishte ndodhur mua. Dhe e vërteta është se derisa ta përjetosh vetë, nuk e kupton plotësisht.
Pas lindjes së vajzës sime së dytë, si një grua me vullnet dhe qëllim, vendosa të nis CrossFit dhe të mbaj regjim për të humbur 12 kilogramët e mbetura nga shtatzënia. Ishin gjashtë muajt më të lodhshëm për mua me orare, me ushtrime intensive, me sakrifica. Por pas gjithë përpjekjeve, pesha ime nuk lëvizi as edhe një gjysmë kilogrami.
Isha e rraskapitur. Muskujt dhe kockat më dhembnin pa pushim, ndërkohë që trupi im nuk më jepte asnjë sinjal përmirësimi. Ishte sikur gjithçka punonte kundër meje.
Deri në ditën që shkova te mjeku. Dhe atje zbulova diagnozën që do të më ndryshonte jetën: Hashimoto. Vitamina D në kufijtë më të ulët. Shtypje, trishtim, shumë pyetje… por edhe fillimi i kthesës.
Si një grua që kishte lexuar pafund për shëndetin dhe trupin, e kishte studiuar, vendosa të mos dorëzohem. Nisa të kuptoj se çfarë ndodh me trupin kur është nën stres, çfarë ndodh me hormonet, me tiroiden, me kortizolin. Largova CrossFit-in dhe çdo aktivitet që i jepte stres trupit tim.
Ndërkohë, ndërtova vetë një regjim të ri: një dietë anti-inflamatore, terapi me hormon, vitaminë D, selen, zink dhe B-komplekse. Jo me kalori të numëruara. Jo me djersë për t’u ndëshkuar. Por ushqim për të shëruar.
Pas dy muajsh, pa asnjë minutë stërvitje të rëndë, unë humba 10 kilogramë.
Sot, nuk ndjek më dietat e dikujt tjetër. Sepse njoh veten time. Dhe kjo është fitorja më e madhe që një njeri mund të ketë.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
