Në dukje një pjatë mund të përmbajë përbërës të shëndetshëm, por nëse kombinimi është i gabuar, trupi e paguan me fryrje, lodhje pas ushqimit, aciditet apo përthithje të dobët të lëndëve ushqyese. Ja disa nga gabimet më të shpeshta që bëhen në tryezë:
Frutat treten shpejt, por kur konsumohen pas vakteve të plota, qëndrojnë gjatë në stomak duke fermentuar. Kjo çon në fryrje, gazra dhe probleme me tretjen.
Zgjidhja: Frutat duhen ngrënë më vete, idealisht 1–2 orë para ose pas vaktit.
Mish ose peshk me bukë të bardhë, patate ose oriz të bardhë – ky është një kombinim që ngadalëson ndjeshëm tretjen. Proteina kërkon mjedis acid për t’u tretur, ndërsa karbohidratet kërkojnë mjedis alkalin – të dyja së bashku krijojnë konflikt tretës.
Zgjidhja: Kombino proteinën me perime jo-ndzetëse (brokoli, kungull, sallatë, etj.).
Qumështi është një “ushqim i plotë” dhe kërkon kohë për t’u tretur. Kur e përziejmë me fruta, drithëra apo ushqime të tjera, shpesh krijon fryrje dhe mukus.
Zgjidhja: Nëse konsumon qumësht, pihet i vetëm – jo me fruta apo mëngjes të pasur.
Domatja është acidike dhe në kombinim me niseshtenë krijon fermentim. Kjo shkakton fryrje dhe përthithje të dobët të mineraleve.
Zgjidhja: Përdor domate me vaj ulliri, barishte, por jo gjithmonë me makarona të pasura.
P.sh. banane me kivi apo portokall me mango. Frutat acidike prishin procesin e tretjes së frutave të ëmbla, çka çon në fermentim dhe tretje të vështirë.
Zgjidhja: Frutat e ëmbla (banane, mango) konsumohen të ndara nga ato acidike (qitro, ananas, kivi).
Kombinimi i mishit me djathin (si hamburger me djathë apo mish pule me salcë kremoze) ngarkon stomakun dhe shkakton tretje të rënduar.
Zgjidhja: Zgjidh një burim të vetëm proteine në një vakt.
Ushqimi është informacion për trupin – dhe mënyra si e kombinojmë ndikon në mënyrën si trupi e përpunon. Jo gjithçka që duket “fit” është në të vërtetë funksionale për shëndetin tuaj.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
