Varësia nuk njeh famë, pasuri apo talent ajo mund të marrë gjithçka.
Whitney Houston, diva e muzikës botërore dhe gruaja me zërin më të fuqishëm të skenës, la pas jo vetëm hite që s’do të vdesin kurrë, por edhe një histori të dhimbshme të shkatërrimit nga droga.
Nga maja e suksesit te hija e varësisë
Në vitet ’80 dhe ’90 ajo ishte e pathyeshme: miliona disqe të shitura, rekorde botërore, hite që pushtonin klasifikimet dhe një karrierë filmike që u kurorëzua me The Bodyguard. Por pas dritave të skenës, Whitney nisi një betejë të errët me substancat narkotike.
Deklarata e saj e famshme “Crack is whack!” në vitin 2002 u bë titull botëror, por pas disa vitesh ajo e pranoi hapur: “Po humbisja veten. Droga nuk ishte më një lojë ajo më mori shpirtin, dinjitetin dhe dashurinë për veten.”
Lufta me veten dhe dështimi i rehabilitimeve
Me gjithë përpjekjet për të dalë nga varësia, çdo kthim në skenë shoqërohej me përplasje të reja me demonët e saj. Në intervistat e fundit Whitney pranoi se ishte një “varëse funksionale”, duke jetuar mes suksesit dhe shkatërrimit personal.
Vdekja që tronditi botën
Më 11 shkurt 2012, vetëm një ditë para çmimeve Grammy, Whitney Houston u gjet e pajetë në një hotel luksoz në Beverly Hills. Raporti mjeko ligjor zbuloi se ajo u mbyt aksidentalisht në vaskë, ndërsa në trup iu gjet kokainë dhe u konstatua sëmundje e zemrës. Bota humbi një nga zërat më hyjnorë që ka njohur ndonjëherë muzika.
Trashëgimia
Whitney Houston nuk është thjesht një kujtim ajo është një legjendë. Këngët e saj, si “I Will Always Love You” dhe “Greatest Love of All”, do të mbeten përjetë si dëshmi e fuqisë së saj artistike. Por historia e saj është edhe një paralajmërim i fortë: varësia nuk njeh famë, pasuri apo talent ajo mund të marrë gjithçka.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
