Lëngu i kockave, i përgatitur kryesisht nga këmbët e viçit, pulës apo qengjit, është rikthyer sot si një trend i shëndetit natyral, por në fakt ky eliksir shëndeti ka ekzistuar prej shekujsh në kuzhinat tona tradicionale.
Lëngu i kockave, i përgatitur kryesisht nga këmbët e viçit, pulës apo qengjit, është rikthyer sot si një trend i shëndetit natyral, por në fakt ky eliksir shëndeti ka ekzistuar prej shekujsh në kuzhinat tona tradicionale. Përgjatë historisë, amvisat shqiptare dhe të Ballkanit e kanë përdorur jo vetëm si një supë ushqyese, por edhe si “ilaç” natyral për një sërë sëmundjesh.
Ky lëng përgatitet duke zier ngadalë kockat e këmbëve së bashku me kërc, lëkurë dhe nyje për disa orë. Procesi i gjatë i zierjes çliron kolagjen, xhelatinë, glukozaminë, kalcium, magnez dhe aminoacide të gjitha substanca që i japin trupit tonë forcë dhe energji.
Lëngu i kockave është i pasur me kolagjen dhe xhelatinë, të cilat rigjenerojnë kërcin dhe lubrifikojnë nyjet. Përdoret gjerësisht nga njerëzit që vuajnë nga artriti, reumatizma apo dhimbjet kronike të gjunjëve dhe kyçeve.
Mineralet si kalciumi, fosfori dhe magnezi ndihmojnë në forcimin e kockave, duke e bërë këtë lëng një mbështetje të vlefshme për gratë pas menopauzës dhe personat që rrezikohen nga osteoporoza.
Xhelatina e lëngut funksionon si një shtresë mbrojtëse për mukozën e stomakut, duke qetësuar inflamacionin dhe duke ndihmuar shërimin e ulçerave gastrike. Shumë mjekë popullorë e rekomandojnë për sindromën e zorrës së irrituar apo refluksin.
Falë aminoacideve anti-inflamatore (si glicina dhe glutamina), lëngu i kockave përforcon mbrojtjen natyrale të trupit. Ai përdoret shpesh gjatë gripit, virozave dhe gjendjeve të përgjithshme të dobësisë.
I pasur me minerale të vlefshme, ky lëng rigjeneron trupin pas humbjes së gjakut, dobësisë ose pas sëmundjeve të rënda. Në popull, është quajtur shpesh “ilaçi i forcës”.
Kolagjeni që çlirohet gjatë zierjes përmirëson elasticitetin e lëkurës, forcon flokët e brishtë dhe rrit fortësinë e thonjve. Nuk është rastësi që përdoret edhe në dietat anti-plakje.
Në mjekësinë popullore shqiptare, lëngu i kockave të këmbëve është quajtur shpesh “ilaçi që shkrin dhimbjen”. Ai u rekomandohej të moshuarve për dobësinë e trupit, fëmijëve për rritjen e shëndetshme dhe grave pas lindjes për rikuperim. Thuhet se “një tas i ngrohtë supë nga këmbët e viçit” ngjit kockën pas thyerjes dhe i jep trupit forcë të re.
Përdoret si supë, bazë për gatime ose pihet thjesht si një lëng i ngrohtë në mëngjes apo darkë
Lëngu i kockave të këmbëve nuk është vetëm një recetë tradicionale, por një “magji terapeutike” që mbështetet sot edhe nga studime moderne. Ai kombinon ushqimin dhe shërimin, duke u bërë një aleat i fuqishëm kundër sëmundjeve të nyjeve, stomakut, imunitetit të dobët dhe plakjes së parakohshme.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
