Dhimbje barku, fryrje menjëherë pas një kafeje me qumësht? Gazra apo ndjesi parehatie pas një porcie djathi apo jogurti?
Dhimbje barku, fryrje menjëherë pas një kafeje me qumësht? Gazra apo ndjesi parehatie pas një porcie djathi apo jogurti? Nuk është rastësi. Mund të jeni intolerant ndaj laktozës, një gjendje më e zakonshme seç mendohet, ku trupi nuk arrin të tretë siç duhet sheqerin natyral të qumështit, të njohur si laktozë.
Çfarë është intoleranca ndaj laktozë
Është paaftësia e sistemit tretës për të prodhuar mjaftueshëm enzimën laktazë, e cila është përgjegjëse për tretjen e laktozës. Kur kjo enzimë mungon ose është në nivele shumë të ulëta, laktoza mbetet e patretur në zorrë, duke shkaktuar shqetësime të ndryshme gastrointestinale.
Shenjat kryesore që tregojnë intolerancën:
• Fryrje barku dhe gazra pak minuta deri në 2 orë pas konsumimit të produkteve me qumësht
• Diarre ose jashtëqitje të papërpunuara
• Dhimbje barku ose krampa abdominale
• Tinguj të fortë të zorrëve (gurgullima)
• Të përziera pas produkteve me laktozë
Në disa raste, simptomat mund të jenë të lehta dhe të zgjatin vetëm pak orë, ndërsa tek persona të tjerë, ato mund të jenë më të forta dhe të shpeshta.
Si ta konfirmoni?
Mënyra më e sigurt për të kuptuar nëse jeni intolerant ndaj laktozës është:
• Testi i frymëmarrjes për hidrogjenin mat prodhimin e gazrave pas konsumimit të laktozës
• Eliminimi për 7–14 ditë i produkteve me laktozë, dhe rikthimi i tyre për të parë reagimin e trupit
• Konsultë me mjekun ose një dietolog
Çfarë mund të konsumoni nëse jeni intolerant?
• Qumësht pa laktozë ose qumësht bimor (bajame, oriz, tërshërë)
• Djathë të fortë me përmbajtje të ulët laktoze (parmixhano, djathë dhie i vjetëruar)
• Kos me probiotikë (në disa raste tolerohet më lehtë)
• Suplementë me enzima laktazë për ndihmë para konsumimit
Nga Fitstation: Trupi flet dhe e thotë qartë kur diçka nuk po e përtyp mirë. Nëse ndihesh i fryrë pas çdo filxhani qumështi, ndoshta është koha të dëgjosh më me vëmendje. Ushqimi nuk duhet të të lodhë, por të të ushqejë.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
