Përbërësit
• 1 kungull i njomë
• 1 karotë
• 1 qepë
• 1 kërcell selino
• 1 patate e vogël
• 1 grusht majdanoz
• 1 lugë gjelle vaj ulliri
• kripë dhe piper sipas dëshirës
• rreth 1 litër ujë ose lëng perimesh
Përgatitja
Perimet priten në copa të vogla dhe vendosen në një tenxhere me ujë ose lëng perimesh. Zihen për rreth 20–25 minuta, derisa të zbuten plotësisht. Në fund shtohet vaji i ullirit dhe majdanozi i freskët. Supa mund të konsumohet e tillë ose të bluhet për një teksturë më kremoze.
Pse ndihmon?
Perime si selinoja, kungulli i njomë dhe majdanozi kanë efekt të lehtë diuretik, që ndihmon trupin të largojë lëngjet e tepërta dhe të reduktojë ndjesinë e fryrjes. Përveç kësaj, kjo supë është e ulët në kalori dhe e pasur me fibra, duke e bërë të përshtatshme për një regjim ushqimor të lehtë për disa ditë.
Ekspertët theksojnë se “detoksi” në kuptimin mjekësor kryhet natyrshëm nga mëlçia dhe veshkat, por një dietë me më shumë perime, më pak kripë dhe më shumë ujë mund të ndihmojë në balancimin e lëngjeve në organizëm.
Një regjim i tillë zakonisht ndiqet për rreth 7 ditë, duke kombinuar supën me fruta, perime të freskëta dhe proteina të lehta.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
