Çfarë ndodh në trup?
Insulina ndihmon glukozën (sheqerin) të futet në qeliza për t’u përdorur si energji. Kur ka rezistencë:
• Glukoza qëndron më gjatë në gjak
• Rriten nivelet e insulinës
• Shtohet rreziku për shtim në peshë, sidomos në zonën e barkut
• Rritet rreziku për probleme kardiovaskulare
Shenjat që mund të tregojnë rezistencë ndaj insulinës
• Yndyrë e theksuar në bark
• Uri e shpeshtë dhe dëshirë për karbohidrate
• Lodhje pas ngrënies
• Vështirësi për të rënë nga pesha
• Njolla të errëta në qafë ose sqetulla (akantozë nigricans)
• Vlera të larta të triglicerideve
Shpesh, gjendja nuk jep simptoma të qarta dhe zbulohet vetëm me analiza.
Si diagnostikohet?
Mjeku mund të rekomandojë:
• Glicemi esëll (sheqeri në gjak në mëngjes)
• Insulinë esëll
• Llogaritjen e indeksit HOMA-IR
• Testin e tolerancës ndaj glukozës
• Hemoglobinën e glikuar (HbA1c)
Vlera të larta të insulinës me glicemi normale mund të jenë një sinjal i hershëm.
Kush është më i rrezikuar?
• Persona me mbipeshë ose obezitet
• Ata me histori familjare të diabetit
• Gratë me sindromën e vezoreve policistike (PCOS)
• Persona me stil jetese sedentare
• Ata me tension ose kolesterol të lartë
⸻
A mund të përmirësohet?
Po. Në fazat e hershme, rezistenca ndaj insulinës është e kthyeshme.
Çfarë ndihmon:
• Ulja e peshës trupore (edhe 5–10% bën diferencë)
• Aktivitet fizik i rregullt (30 minuta në ditë)
• Ushqyerje me më pak sheqerna të rafinuar dhe më shumë fibra
• Gjumi cilësor
• Menaxhimi i stresit
Në disa raste, mjeku mund të rekomandojë trajtim medikamentoz.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
