Çfarë është testosteroni dhe pse është i rëndësishëm?
Testosteroni është hormoni kryesor mashkullor, përgjegjës për:
• dëshirën seksuale (libidon)
• prodhimin e spermës
• forcën muskulore dhe masën kockore
• shpërndarjen e yndyrës në trup
• energjinë dhe stabilitetin emocional
Rënia e tij ndikon jo vetëm në jetën intime, por edhe në shëndetin metabolik dhe psikologjik.
Shenjat kryesore të andropauzës
Reduktim i interesit për marrëdhënie intime dhe probleme me ereksionin.
Ndjesi e vazhdueshme rraskapitjeje, edhe pas pushimit.
Dobësim i forcës fizike dhe rritje e yndyrës abdominale.
Irritabilitet, ankth, ulje motivimi, madje edhe simptoma depresive.
Pagjumësi ose zgjime të shpeshta gjatë natës.
Rritje e rrezikut për osteoporozë me kalimin e viteve.
⸻
Kur duhet bërë kontrolli?
Mjekët rekomandojnë matjen e nivelit të testosteronit në gjak në mëngjes (kur niveli është më i lartë), sidomos nëse simptomat zgjasin për disa muaj. Diagnoza vendoset vetëm nëse konfirmohen nivele të ulëta hormonale në analiza laboratorike, të kombinuara me shenja klinike.
⸻
A ka trajtim?
Po. Terapia zëvendësuese me testosteron mund të rekomandohet në raste të caktuara, por vetëm pas vlerësimit të plotë mjekësor, pasi ka edhe kundërindikacione (si probleme me prostatën apo sëmundje kardiovaskulare).
Në shumë raste, ndryshimet në stilin e jetesës japin përmirësim të dukshëm:
• aktivitet fizik i rregullt
• ushqyerje e balancuar
• ulje e stresit
• gjumë cilësor
• kontroll i peshës trupor
Andropauza nuk është “fund i burrërisë”, por një fazë biologjike që kërkon vëmendje dhe kujdes. Informimi i hershëm dhe konsultimi me mjekun janë hapat e parë për të ruajtur cilësinë e jetës dhe shëndetin afatgjatë.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
