Çfarë është Hashimoto?
Hashimoto është një sëmundje autoimune ku sistemi imunitar sulmon gjëndrën tiroide, duke çuar shpesh në hipotiroidizëm (ulje të funksionit të tiroides). Natyrshëm, ky “aktivizim” i sistemit imunitar mund të shoqërohet edhe me probleme të nyjeve.
Si lidhet me artritin?
• Reagimet autoimune mund të prekin njëkohësisht më shumë se një organ/sistem.
• Tek disa pacientë, lodhja, ngurtësimi i mëngjesit dhe dhimbjet e nyjeve mund të jenë shenja të para të artritit krahas simptomave të tiroides.
• Nuk do të thotë se patjetër do të zhvillohet artrit, por rreziku është më i lartë krahasuar me popullatën pa sëmundje autoimune.
Shenjat që duhen vëzhguar
• Ngurtësim i mëngjesit në nyje që zgjat >30 minuta
• Enjtje, skuqje ose nxehtësi te nyjet (gishtat, kyçet e dorës, gjunjët)
• Dhimbje simetrike në nyje (p.sh. të dyja duart)
• Lodhje e fortë, rënie performance, ndjesi “trupi i rëndë”
Kush rrezikon më shumë?
• Gra në moshë riprodhuese dhe peri-/postmenopauzë
• Persona me histori familjare të sëmundjeve autoimune
• Pacientë me TSH të paqëndrueshëm ose shtim/paksim të shpeshtë të dozës së hormonit
Çfarë rekomandojnë mjekët
• Kontrolle periodike: Endokrinolog + reumatolog nëse ka dhimbje/ënjtje.
• Analiza orientuese (sipas mjekut): markerë inflamacioni, autoantitrupa reumatizmalë, ekografi të nyjeve nëse duhet.
• Stil jete mbështetës: peshë e shëndetshme, aktivitet i rregullt fizik me intensitet të moderuar, gjumë cilësor.
• Menaxhimi i tiroides: mbajtja e TSH-së në objektivin e personalizuar ul luhatjet që mund të rëndojnë simptomat.
• Mos vetë-mjekoheni: analgjezikët/anti inflamatorët duhet të përdoren me udhëzim mjekësor.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
