Si arrijnë të duken gjithmonë në formë yjet e Hollivudit apo të muzikës botërore? Përveç stërvitjes dhe stilit të jetesës, sekreti shpesh fshihet në dietën që ndjekin me përpikëri. Disa prej tyre janë të thjeshta, të tjera shumë të veçanta – por të gjitha kanë një gjë të përbashkët: disiplinën.
Gwyneth Paltrow – Dieta alkaline
Aktorja ndjek një dietë që balancon pH-në e trupit, duke shmangur sheqerin, kafenë, mishin e kuq dhe produktet e përpunuara. Fokus te zarzavatet jeshile, lëngjet detox dhe vajrat e ftohtë.
Kim Kardashian – Dieta Keto
Për të humbur peshën pas shtatzënisë, Kim ndoqi një version të personalizuar të dietës ketogjenike me shumë yndyrna të mira, proteina dhe zero karbohidrate të thjeshta. Rezultatet ishin të dukshme brenda muajsh.
Jennifer Aniston – Dieta 16:8 (agjërimi periodik)
Ylli i “Friends” preferon të hajë vetëm gjatë 8 orëve të ditës dhe të agjërojë për 16 orë. E shoqëruar me një dietë të pasur me perime, proteina të lehta dhe ujë me limon.
Victoria Beckham – Dieta me salmon dhe ujë të ngrohtë me limon
Ish-anëtarja e Spice Girls fillon ditën me ujë të ngrohtë me limon, konsumon shpesh salmon të egër dhe shmang produktet e qumështit. Fokus te ushqimet që përmirësojnë lëkurën dhe tretjen.
Meghan Markle – Dieta fleksitariane
Dukesha është kryesisht vegjetariane gjatë javës, por lejon vetes mish ose peshk në fundjavë. Ajo ndjek një filozofi “trupi si tempull”, me fokus te ushqimet organike dhe balanca emocionale.
VIP-at kanë qasje te trajnerët më të mirë dhe nutritionistët më të specializuar, por thelbi është i njëjtë për të gjithë: zgjedhje të qëndrueshme, vetëdije dhe shumë përkushtim. Në fund të ditës, dieta e duhur është ajo që funksionon për trupin tënd jo për Instagramin.
Ky artikull u publikua nga Fitstation Media, aty ku shëndeti takon stilin.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
