“Trupi nuk ndërtohet gjatë stërvitjes, por pas saj.” – Brad Schoenfeld, profesor i njohur i fiziologjisë së ushtrimeve
Shumë prej nesh përballen me këtë dilemë pas një seance të lodhshme në palestër: a të hamë një vakt të bollshëm “se e kemi djegur tashmë”? Apo të shmangim ushqimin krejt, nga frika se mundi “do shkojë kot”? Të dyja qasjet janë të gabuara. Trupi ynë nuk e kupton suksesin në bazë të lodhjes. Ai ndërtohet, rikuperohet dhe përmirësohet në fazën pas stërvitjes – nëpërmjet ushqimit të duhur, pushimit të mjaftueshëm dhe balancës hormonale. Në fakt, hapi më i rëndësishëm për përfitim maksimal nga aktiviteti fizik ndodh jashtë palestrës.
Gjatë aktivitetit fizik, veçanërisht në stërvitje me intensitet të lartë ose me pesha, fibra muskulore pësojnë mikro-dëmtime. Në të njëjtën kohë, rezervat e glikogjenit (karbohidratet e ruajtura në muskuj dhe mëlçi) shterohen. Ky është një proces natyral dhe i domosdoshëm.
Pas stërvitjes, trupi kërkon:
Nëse nuk furnizohet me këto elemente, trupi nuk përparon – përkundrazi, stresi oksidativ dhe inflamacioni mund të rriten, ndërsa rezultatet të mungojnë.
Studime të publikuara në Journal of the International Society of Sports Nutrition tregojnë se marrja e një vakti që përmban 20-40g proteina dhe 30-60g karbohidrate brenda 1-2 orëve pas stërvitjes, ndihmon në përmirësimin e sintezës së proteinës muskulore dhe rikuperimit të energjisë.
Sipas American College of Sports Medicine, mungesa e karbohidrateve pas aktivitetit mund të ulë ndjeshëm performancën në seancat e ardhshme dhe të ngadalësojë rikuperimin. Gabimi më i zakonshëm: Shumë persona mendojnë se “kanë bërë stërvitje të mirë” dhe shpërblejnë veten me ushqime të pashëndetshme, të pasura me yndyra të përpunuara dhe sheqerna të thjeshta. Të tjerë e shikojnë ushqimin si armik dhe vendosin të mos hanë fare. Në të dyja rastet, trupi nuk merr atë që ka realisht nevojë — ushqim funksional që përkrah procesin e rikuperimit dhe ndërtimit të formës fizike.
Stërvitja është vetëm një pjesë e ekuacionit. Pjesa tjetër, po aq e rëndësishme, është ajo që vendosni në pjatë pas palestrës. Në Fitstation ju mësojmë si të kombinoni stërvitjen me ushqyerjen terapeutike dhe të personalizuar – sepse trupi nuk është një makinë që funksionon me rregulla të përgjithshme, por një sistem që kërkon qasje inteligjente dhe të ndërgjegjshme.
Shumë persona me çrregullime të tiroides ndjekin programe stërvitore të përgjithshme, duke pritur të njëjtat rezultate si të tjerët.
Një gotë ujë mund të mos mjaftojë. Kur organizmi humbet me shpejtësi lëngje nga diarreja, të vjellat apo temperaturat e larta, bashkë me ujin humbet edhe elektrolite të rëndësishme.
Drithërat e mëngjesit, pijet “dietike”, snack-et proteinike dhe produktet “low fat” po analizohen gjithnjë e më shumë nga studiuesit për ndikimin real në shëndetin metabolik. Një seri studimesh dhe investigimesh ndërkombëtare kanë ngritur shqetësime mbi ushqimet ultra të përpunuara (Ultra-Processed Foods – UPFs), kategori ku hyjnë shumë produkte të njohura që reklamohen si praktike apo …
Çrregullimet e tiroides mund të ndikojnë drejtpërdrejt në mënyrën si trupi përdor glukozën dhe insulinën, duke rritur rrezikun për rezistencë ndaj insulinës dhe diabet tip 2. Studimet e fundit tregojnë se si hipotiroidizmi, ashtu edhe hipertiroidizmi, lidhen me ndryshime në metabolizmin e sheqerit dhe ndjeshmërinë ndaj insulinës.
